VOV4.Êđê - Yang Trung jing să tal êlâo hlăm kdriêk dleh dlan Kông Chro, čar Gialai djăp ênoh čuăn mkŏ mkra krĭng ƀuôn sang mrâo. Leh mâo hrŏng ruah jing sa bi hmô, să Yang Trung knŏng mâo 7/19 ênoh čuăn, kluôm să mâo leh êbeh 50% jing mnuih djuê ƀiă, klei hdĭp bŏ hŏng klei dleh dlan. Gưl bruă Đảng, bruă sang čư̆ êa, lehanăn jih jang êpul êya, dŭm êpul bruă, mặt trận să ngă leh djăp bruă, boh nik mđing bi mlih hdră duh mkra pla mjing. Hlăm să ară anei mâo dua êpul bruă hgŭm jih dua êpul bruă anei lŏ mjing leh lu bruă mă, mđĭ ênoh mâo ba wĭt kơ mnuih mă bruă hlăm să. Kyuanăn thŭn 2020 hnơ̆ng hrui wĭt kah knar grăp čô mnuih hlăm să jing 41 êklăk 600 êbâo prăk/čô, hnơ̆ng ênoh gŏ êsei ƀun adôk 4,15%./.

Y Khem pô mblang