VOV4.Êđê- Knơ̆ng bruă kahan ksiêm êlan klông brei thâo, hlăm 4 hruê mdei (hruê 2/9), êpul kahan ksiêm êlan klông đŭ, bi kmhal leh giăm 11 êbâo klei ngă soh hŏng klei bhiăn hlăm êlan klông. Hlăm anăn mâo 244 klei ngă soh mâo hnơ̆ng côl êgao hnơ̆ng. Hlăm 4 hruê mdei anăn, hlăm ala čar mâo 57 klei bi drăm êdeh êdâo ngă kơ 24 čô djiê lehanăn 39 čô êka. Hlăm bruă ksiêm dlăng, ƀuah mkra klei ngă soh, kahan ksiêm êlan klông hlăm ala čar dưi hmao ƀuh lehanăn ƀuah mkra giăm 11 êbâo klei ngă soh, đŭ prăk êbeh 7,4 êklai prăk. Hruê mmông kơ anăp, êpul kahan ksiêm êlan klông srăng lŏ mđĭ klei bi mguôp, ksiêm dlăng čiăng dưi thâo klă bruă ngă mơ̆ng knơ̆ng bruă êlan êdeh treng. Ksiêm dlăng amâo brei phung tlĕ đĭ êdeh treng mơ̆ng anôk mâo klei ruă tưp wĭt kơ ƀuôn sang, luič klei êđăp ênang hlăm êlan klông, yang ƀuôn, mbĭt hŏng anăn, mjing klei găl kơ dŭm boh êdeh dŭ mdiăng êlan êngiê, rŏng klei dŭ mdiăng mnơ̆ng dhơ̆ng.

Pô mblang: Y-Ƀel Êban