VOV4.Êđê - Hlăm klei bi kƀĭn tal 20 mơ̆ng Anôk bruă gĭt gai gưl dlông kơ hdră gang mkhư̆ klei ƀơ̆ng ngăn mkŏ mjing hruê 5-8, Phan Đình Trạc - Khua hlăm Phŭn bruă kđi čar, Khua bruă Đảng gưl dlông, Khua dlăng bruă knuă gưl dlông brei thâo, mơ̆ng akŏ thŭn truh ară anei, gưl bruă Đảng, Anôk bruă ksiêm dlăng gŭm gưl ngă klei ƀuh mkra hŏng êbeh 70 êpul bruă Đảng, êbeh 8000 čô đảng viên ngă soh, hlăm anăn mâo 180 čô đảng viên tŭ klei ƀuah mkra kyua ƀơ̆ng ngăn, ngă soh leh anăn êbeh 20 čô đảng viên tŭ klei ƀuah mkra kyua ngă soh kơ klei hưn ênoh ngăn drăp, prăk hrui wĭt.

Mơ̆ng bruă ksiêm dlăng leh anăn msir mgaih klei kčŭt hưn, bruă Ksiêm dlăng thâo ƀuh, msir mgaih 20 klei, 35 čô ƀơ̆ng ngăn leh anăn djŏ tuôm kơ klei ƀơ̆ng ngăn. Boh nik, bruă ksiêm dlăng, kčŭt hưn, đŭ bi kmhal klei ƀơ̆ng ngăn, bruă duh mkra dưi gĭt gai jăk, ngă djŏ klei mĭn gĭt gai mơ̆ng Khua dlăng bruă Đảng Nguyễn Phú Trọng, Khua dhar bruă gĭt gai jing “amâo mâo krĭng kăm ôh, jih jang srăng tŭ klei ƀuah mkra sơaĭ".

H Zawut pô mblang