VOV4.Êđê-  Aguah hruê 11/7 mbruê, ti [uôn pro\ng Đà Lạt, ]ar Lâm Đồng, mko\ mjing leh Klei bi k[^n Anôk brua\ Đoàn gưl dlông tal 8, gưl 11 ho\ng ana\n “Thu\n êdam êra ba ana\p”. Gia\m 3 êkla\k ]ô êdam êra nao ba ana\p kyua klei hd^p êpul êya, nga\ bi leh du\m pluh êbâo kdrê] brua\, hdra\ brua\ êdam êra… đru mjing leh gru krua\k ja\k siam lehana\n ai lar bra ktang ti lu alu\ wa\l hla\m kluôm ala ]ar, anei jing boh tu\ êdah kdlưn hla\m hdra\ brua\ phung êdam êra.

Hla\m 6 mlan ako\ thu\n, du\m anôk brua\ Đoàn hla\m kluôm ala mko\ mjing leh êbeh 85 êbâo gưl ba ana\p. Êpul êdam êra du\m gưl hluê nga\ leh 44 êbâo hdra\ brua\, kdrê] brua\ êdam êra ho\ng ênoh pra\k truh 145 êklai pra\k. Ana\p mđing truh hdra\ brua\ mko\ mkra kr^ng [uôn sang mrâo lehana\n kreh dhar [uôn pro\ng, phung êdam êra kluôm ala nga\ mkra leh êbeh 1700 km êlan klông guh mnga] kr^ng [uôn sang, nga\ mkra êbeh 2600 kdrê] êlan kr^ng [uôn sang. Ti du\m alu\ wa\l, phung đoàn viên, êdam êra lo\ nao hgu\m nga\ mkra êlan bê tông, kban ga\n êrô, mko\ mkra sang mrâo lehana\n lo\ mkra w^t 12 êbâo boh sang dhar kreh [uôn, mkra mđ^ 4 êbâo boh sang t^ [rô] kơ mnuih [uôn sang./.

H’Nê] Ê`uôl