VOV4.Êđê- Kñăm đru kơ phung hđeh lehanăn gŏ sang atăt hđeh nao bi lông gưl 3 thŭn 2021, gưl pŏk ngă Hdră bruă Đru mđĭ ai phung hđeh yan bi lông thŭn anei srăng mkŏ mjing mŏng hruê 6/7 truh kơ hruê 9/7 kơ anăp. Anei jing klei hưn ti anôk bi kƀĭn phung čih klei mrâo mŏng Êpul hgŭm phung Sinh viên Việt Nam gưl dlông, Phŭn bruă Sang hră m’ar mtô bi hriăm, Êpul group Thiên Long mkŏ mjing hruê 27/5. Hdră bruă Đru mđĭ ai phung hđeh yan bi lông dưi mkŏ mjing ti jih jang anôk bi lông mŏng Klei bi lông hriăm jih gưl 3 thŭn 2021, ti 63 čar, ƀuôn prŏng. Hluê anăn, anôk bruă mkŏ hdră bruă srăng kƀĭn kơ bruă mtrŭt mđĭ hdră mtô mblang, hưn mthâo dŭm hdră bi hriăm mbŏ klei thâo hluê êlan trực tuyến lehanăn hưn mthâo dŭm kdrêč video mtô bi hriăm kơ klei bi lông hriăm jih gưl 3. Mbĭt anăn, pŏk ngă dŭm gru hmô ba anăp trục tuyến hluê hŏng mbah hâo hưn trực tuyến, bi hgŭm hŏng phung ba anăp lehanăn phung hđeh čiăng klei đru, mâo hdră đru kơ phung hđeh mâo klei hdĭp dleh dlan ti krĭng dleh dlan, krĭng knông lăn, krĭng plao ksĭ.../.

                                                    Pô mblang: H’Nêč Êñuôl