VOV4.Êđê- Leh ƀuôn prŏng Hà Nội mâo klei bi êdu bruă kwang dar kăm mkhư̆, snăn dŭm anôk duh mkra mnia mblei, lehanăn bruă mjuăt asei mlei hlăm tač, snăn maoa lu mnuih, lehanăn khua anôk bruă bi êdah klei amâo mâo lŏ mđing uêñ ôh, jing huĭ hyưt êdi hŏng klei ruă tưp srăng lŏ bluh đĭ. Ti anăp klei anei, ƀuôn prŏng Hà Nội mtă leh kơ djăp alŭ wăl mâo klei ƀư̆ mkr amtam, lehanăn mghaih msir ktang hlei pô ngă soh. ksiêm dlăng bruă hlue ngă asăp mtrŭn ti ƀuôn prŏng kơ bruă gang mkhư̆ klei ruă tưp, ti dŭm kdriêk čar, Chữ Xuân Dũng k’iăng khua knơ̆ng bruă sang čư̆ êa ƀuôn prŏng brei thâo; adôk mâo lu snăk mnuih ngă klei amâo mâo uêñ dlăng hơăi mang jih jang klei mtă gang mkhư̆ klei ruă tưp, amâo mâo ngă klei dôk bi kbưi, wưng brei kđăl ƀăng anôk čhĭ mnia lu anôk amâo mâo hlue gưt ôh. Khua knơ̆ng bruă sang čư̆ êa ƀuôn prŏng Hà Nội mtă kơ kahan ksiêm, khua knơ̆ng bruă sanhg čư̆ êa dŭm kdriêk čar, kdriêk bi gĭt gai dŭm êpul bruă djŏ tuôm nao ksiêm dlăng, hyua kjăp klei bhiăn, mghaih msir ktang phung ngă soh./.

Pô mblang: Y-Khem Niê