VOV4.Êđê- Knơ̆ng bruă mdrao mgŭn Hà Nội brei thâo, yang hruê 6-10, ti ƀuôn prŏng maoa 6 čô mnuih djŏ kman Sars-Cov-2 hlăm wăl kwang dar leh anăn hlăm phung djŏ tuôm kơ sang êa drao bi hgŭm Việt Đức. Snăn, leh 6 hruê mphŭn mâo, truh ară anei mâo giăm 50 čô mnuih djŏ tuôm kơ Sang êa drao Việt Đức djŏ kman Sars-Cov-2. Kơ klei tŭ mă mta ksiêm mkă, bruă mdrao mgŭn mă leh 18 êbâo 168 mta ksiêm mkă, hlăm anăn 17 êbâo 988 mta mâo leh klei tŭ ksiêm mkă, ƀuh 40 čô djŏ klei ruă, mâo 13 čô găp djuê kriê dlăng mnuih ruă, 19 čô dôk mdrao mgŭn ti sang êa drao, 6 čô mnuih mă bruă ti sang êa drao leh anăn 2 čô djŏ tuôm mkăn.

Pô mblang: H’Zawut Ƀuôn Yă