VOV4.Êđê - Bruă sang čư êa ƀuôn prŏng Hà Nội mrâo ba mdah hdră êlan bi ktlah, ksiêm dlăng, ksiêm mkă kman leh anăn mdrao ti sang hŏng phung mâo klei ruă tưp Covid-19 ti ƀuôn prŏng. Hluê anăn, phung mâo klei ruă tưp dưi ksiêm dlăng ti sang jing phung mnuih ruă amâo mâo klei bi knăl, amâodah hdjul. Phung mâo klei ruă amâo mâo klei bi knăl kđuič hlăm ksŏ amâodah kƀah osi. Dŭm klei găl mnơ̆ng yua, kdrăp yua, klei čoh čuăn kơ phung mâo klei ksiêm dlăng ti sang, phung dôk mbĭt hlăm sang, phung ngă bruă mdrao mgŭn djŏ tuôm hluê ngă tui si klei kčah mtrŭn mơ̆ng phŭn bruă mdrao mgŭn. Tơdah mnuih mâo klei ruă tưp Covid-19 mâo klei čiăng bi ktlah ti sang srăng mâo hră bi kă, mâo klei bi klă, êpul gĭt gai bruă gang mkhư̆ klei ruă tưp Covid-19 să, ƀuôn hgŭm, wăl krah ba mdah klei bi klă bi ktlah ti sang hŏng phung F0.

Y-Ƀel pô mblang