VOV4.Êđê - Phŭn bruă sang hră mtô bi hriăm mrâo mâo klei hâo hưn kơ klei tŭ mơ̆ng êpul bi lông ala čar Việt Nam nao hlăm klei bi lông Olympic Vật lí Châu Á - Thái Bình Dương (APhO) 2021.  Hluê anăn, jih 8 čô hđeh ala čar Việt Nam mâo klei pah mni sơaĭ. Boh nik, gưl tal êlâo Việt Nam mâo hđeh sang hră mâo puăng lu hĭn klei bi lông anei. 8 klei pah mni mơ̆ng hđeh sang hră Việt Nam mâo 2 Medai êa Mah, 1 Medai êa Kông, 3 Međai êa Prăk leh anăn 2 Hră pah mni. Nguyễn Mạnh Quân mâo mă Medai êa Mah, adŭ 12, sang hră gưl 3 chuyên Hà Nội - Amsterdam, ƀuôn prŏng Hà Nội leh anăn adei Trần Quang Vinh, adŭ 12, Sang hră gưl 3 chuyên Hà Nội - Amsterdam, ƀuôn prŏng Hà Nội. Adei Bùi Thanh Tân, adŭ 12, Sang hră gưl 3 chuyên Phan Bội Châu, čar Nghệ An mâo mă Medai êa Kông.

H Zawut pô mblang