VOV4.Êđê-  Êpul hgŭm gru bi kal hrah Lâm Đồng mkŏ mjing leh klei bi kƀĭn hlue ngă hdră êlan Hrah lehanăn hrue myơr êrah “Aruăt Êrah Hrah ƀuôn prŏng Mnga” gưl tal 9 thŭn 2021. Tui si hdră, Hdră êlan Hrah mkŏ mjing hlăm dua hrue 19 lehanăn 20/6/2021. Hdră anei iêu jak truh 2 êbâo čô mnuih nao myơr êrah, lehanăn tĭng srăng dưi tŭ mă hlăm brô 1 êbâo ênoh êrah doh pioh ba kơ Anôk bruă ksiêm duah kơ Êrah lehanăn mbŏ êrah gưl dlông. Kyua dôk găn klei ruă tưp Covid 19 dleh dưi ksiêm dlăng, snăn hdră myơr êrah tal anei knŏng mkŏ mjing khuăt lehanăn grăp êpul êya mnuih nao myơr êrah ngă bruă mđrĭng hŏng bruă mdrơ̆ng hŏng klei ruă tưp covid 19, mdjiê kman êlâo lehanăn êdei kơ klei myơr êrah, ktrâo atăt bruă mkă hŏng h’uh asei mlei, truă čhiăm guôm ƀô̆, bi mdoh kngan, lehanăn dôk bi kbưi, ktrâo atăt, hlue ngă kjăp 5 mta klei mtă./.

Pô mblang: Y-Khem Niê