Ti anôk bi kƀĭn, êbeh 300 čô knuă druh, phung truăn kơ bruă hră ênua yang ƀuôn alŭ wăl nah dhŭng hmư̆ kơ dŭm mta mtrŭn mrâo, lehanăn kơ dŭm hdră êlan mă bruă kñăm bi sa hnơ̆ng jih jang bruă hră ênua yang ƀuôn, ênua amâo mâo bruă mă, kơ klei ksiêm ênoh mnuih, ênoh prăk bi tĭng tla thŭn 2022.

Phung bi ala bi trông, lehanăn mă klei blŭ kơ klei čih mkra hdră mtrŭn kơ bruă bi tĭng tla, kơ hdră êlan mghaih msir hră ênua yang ƀuôn, tĭng tla ênua amâo mâo bruă mă, bi djŏ hŏng mta mtrŭn mrâo. Klei bi kƀĭn ăt bi trông kơ dua hdră tŭ mă ênoh ênua hlăm sa blư̆ hlăm klei bhiăn lŏ mlih mrâo, hlăk dôk mă lu klei blŭ mơ̆ng mnuih ƀuôn sang. Mơ̆ng anăn, hdră êlan tŭ mă mil mkrah čiăng mâo klei bi kna klei tŭ dưn kơ mnuih ngă bruă./.