Hlăm wưng êgao, Knơ̆ng bruă sang hră mtô bi hriăm čar Dak Lak iêô mthưr dŭm klei găl đru 40 êklai prăk, mâo : 5 êklai prăk mơ̆ng ênoh mkrum mơ̆ng bruă sang hră, 35 êklai prăk đru mơ̆ng Êpul grup pui kmlă Việt Nam kyua Phŭn bruă sang hră mtô bi hriăm  akâo mkăp kơ čar. Leh mă 35 êklai prăk, Knơ̆ng bruă sang hră mtô bi hriăm Dak Lak bi hgŭm hŏng Anôk bruă blei kdrăp mnơ̆ng čar mkŏ mjing blei hlue si hdră kčah. Boh tŭ, mlir 3 anôk bruă dưi  moăp 14 êbâo măi tính bảng kơ hđeh sang hră mâo ênoh 2.294.000 prăk/ boh, bi knar êbeh 32 êklai prăk.

Ênoh prăk mkiêt mkriêm mơ̆ng klei bi lông giăm 3 êklai prăk mâo Knơ̆ng bruă sang hră mtô bi hriăm hưn hŏng anôk mâo klei dưi lŏ dơ̆ng blei kơ hđeh sang hră dleh dlan. Đỗ Tường Hiệp, K’iăng Khua Knơ̆ng bruă sang hră mtô bi hriăm čar Dak Lak brei thâo:

“Mơ̆ng klei mtrŭt mjhar anei, hmei lar bra klei hâo hưn hŏng bruă sang hră mtô bi hriăm, hŏng lu bruă mkăn, wăt mnuih ƀuôn sang, klei lar bra hlăm epeul êya hŏng hdră čŏng ngă čiăng kơ jih jang anak čô ti Dak Lak dưi hriăm hlăm boh klei Covid-19, amâo brei hlei pô ti tluôn.