Dak Lak akâo bi liê thiăm 39 êklai prăk đru kơ knuă druh leh mkŏ dăp anôk bruă Knŭk kna
Thứ năm, 10:36, 11/06/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Bruă sang čư̆ êa čar Dak Lak mrâo mâo klei hưn mdah hŏng Êpul gơ̆ng bruă ƀuôn sang čar, akâo bi kdung mmông yua hdră êlan đru kơ knuă druh, phung mă bruă Knŭk kna leh mkŏ dăp mơ̆ng 12 mlan jing 24 mlan.
Hdră êlan anei đru bi hrŏ klei dleh dlan kơ ênoh êrô êbat, klei hdĭp, mkŏ mjing klei găl čiăng kơ êpul knuă druh hơĭt ai tiê mă bruă, rơ̆ng kơ klei sa anăn mơ̆ng bruă Knŭk kna leh mkŏ dăp.
Hluê si Bruă sang čư̆ êa čar Dak Lak, mĭn tĭng truh hruê 30/6/2026, hdră đru dưi ngă hŏng 16.116 čô, hŏng ênoh prăk giăm 52 êklai. Bruă hmao ba yua dŭm hdră êlan mâo leh klei sa ai mơ̆ng phung knuă druh, phung mă bruă Knŭk kna leh anăn mnuih mă bruă. Hluê si klei tĭng mkă, klei čiăng ênoh prăk bi mbŏ čiăng ngă hdră anei jing êbeh 39 êklai prăk.
Viết bình luận