Kluôm ênoh ngă hdră anei jing êbeh 1 êklai 400 êklăk prăk. Bi lar boh tŭ dưi mâo, thŭn 2023 phung êdam êra bruă pui kmlă Dak Lak lŏ dơ̆ng ba bruă hluê ngă dŭm hdră Kuič mngač êlan ƀuôn hlăm dŭm klei bi lông, bi ktưn lehg anăn jao bruă klam klă klơ̆ng kơ dŭm anôk bruă.

Dŭm mlan akŏ thŭn anei, dŭm anôk bruă bi mguôp hluê ngă lu hdră Kuič mngač êlan ƀuôn ti ƀuôn êdam êra čô̆ kơ bruă (Să Ea Lôp, kdriêk Ea Sup), alŭ Đồi Đá (să Krông Ƀŭk, kdriêk Krông Pač), Ƀuôn Êga (să Ea Kmŭt), ƀuôn Ea Knôp (să Cư̆ Ni) leh anăn alŭ 1-2-3 să Xuân Phú, kdriêk Ea Kar. Knŏng mlan 3 – Mlan êdam êra 2023, dhar bruă pui kmlă ngă leh 2 hdră kuič mngač êlan ƀuôn ti alŭ 1, alŭ 2 (să Bình Hoà, kdriêk Krông Ana) leh anăn ti să Khuê Ngọc Điền, kdriêk Krông Bông. Dŭm hdră anei mâo boh tŭ dưn klă klơ̆ng đru kơ klei êrô êbat mơ̆ng mnuih ƀuôn sang leh anăn rơ̆ng kơ klei êđăp ênang hlăm êlan klông.