Lu klei blŭ đrru mguôp djŏ tuôm kơ dŭm boh phŭn kơ hdră čuăl mkă, hdră kčah ba yua lăn, hdră êlan tla hnô đru kơ ngăn prăk, bruă yua lăn mâo phŭn agha mơ̆ng lŏ hma, dliê kmrơ̆ng dưi ba mdah. Võ Tấn Tài, Êpul hgŭm dŭm êpul bruă mjĕ hgŭm čar Dak Lak lač, dŭm hdră kčah mlih mrâo hlăm hră čih Hdră bhiăn lăn ala (lŏ mlih mrâo) srăng mjing klei tŭ ư, hrăm mbĭt rơ̆ng klei tŭ dưn hlăm hdră kčah ba yua lăn.  

Hjăn hŏng krĭng Lăn Dap Kngư, krĭng lăn mâo lu mnuih ƀuôn sang djuê ƀiă hdĭp mda, hdră čuăl mkă brei rơ̆ng djŏ guôp hŏng wăl hdĭp mda mơ̆ng mnuih ƀuôn sang hlăm klei găl bruă duh mkra. Mguôp klei blŭ kơ hdră êlan tla hnô, đru brei, lŏ mjing anôk dôk mrâo, phung bi ala lač hră čih hdră bhiăn brei bi mklă hĭn dŭm hnơ̆ng kčah hlăm bruă anei leh knŭk kna mă lăn “rơ̆ng klei găl hdĭp mda jăk hĭn kơ hđăp”./.