Hlăm hră mdah kơ klei čih mkra hdră bhiăn klei kơ sang dôk lŏ mlih mrâo, mơĭt truh dhar bruă gĭt gai bruă kƀĭn ala, knŭk kna lač, năng lŏ thiăm mbŏ bi klă mngač hĭn bruă mkŏ mkra, mjưh mdei klei djă yua sang dôk anôk lu mnuih, tơdah anăn amâo lŏ djăp ôh klei găl dưi răng mgang klei êđăp ênang kơ mnuih dôk.

Mâo lu klei blŭ bi lač, čoh čuăn wưng djă yua sang dôk lu mnuih srăng kbiă lu mta klei bi ksiêm mkă msĕ si Snăn lu mnuih anăp lĕ hlăm klei amâo mâo čiăng blei ôh anôk dôk hlăm sang lu mnuih, hmăi amâo mâo jăk kơ klei bi čhĭ sang lăn. Êlâo anăn hdră bhiăn klei kơ sang dôk hlăk thŭn 2014 mtrŭn leh klă kơ wưng kčah sang dôk lu mnuih, leh jih wưng kčah tơdah ƀuh amâo lŏ djăp ôh klei êđăp ênang kơ mnuih dôk, bi ruh, mkra wĭt, mdơ̆ng mrâo. Siămdah, wưng leh êgao bruă anăn hlăm lu alŭ wăl boh nik ti Hà Nội, ti ƀuôn prŏng Hồ Chí Minh jing êmưt lehanăn tuôm hŏng lu klei dleh dlan./.