Hlăm tlam 20/1, mguôp klei blŭ hlăm hră čih Hdră bhiăn lăn lŏ (lŏ mlih mrâo), phung hlăm Êpul hgŭm kčĕ êngiê leh anăn hdră bhiăn, phung thơ̆ng kơ bruă, phung kreh knhâo mơ̆ng Knơ̆ng bruă mặt trận gưl dlông Việt Nam mtă bi mklă bruă hrui mă lăn čiăng mđĭ kyar bruă duh mkra- ala ƀuôn kyua klei tŭ dưn ala čar, êpul êya, mbĭt anăn rơ̆ng klei tŭ dưn hŏng phung mâo lăn arăng lŏ wĭt mă. 

Hlue si phung bi ala, boh sĭt hlăm hdră wĭt mă lăn adôk dleh dlan, mâo lu klei kƀah ba mâo klei bi kčŭt hưn dleh dlan, lu mnuih, kyua ka mâo djăp ênŭm hdră kčah hdră bhiăn, amâodah dôk kƀah kơ klei thâo săng hdră bhiăn, klei bi hgŭm ka hrăm mbĭt hlăm bruă kđi čar grăp gưl. Kyua anăn, hră mơar tla hnô, đru brei, lŏ mkra mjing anôk dôk mrâo, wĭt mă lăn brei mâo hdră kčah rơ̆ng klei bhiăn: Êngiê, klă mngač leh anăn đua klam hlak mblang, rơ̆ng djŏ klă klei tŭ dưn knŭk kna, anôk bruă duh mkra leh anăn mnuih ƀuôn sang; lu klei blŭ mtă lu jơr dŭm klei bhiăn tla hnô; ênoh lăn tla hnô hlue si anôk ba čhĭ; ênoh tla hnô, bruă tla hnô, đru brei, lŏ mkra mjing anôk dôk mrâo sa knhuang êlâo kơ wĭt mă lăn./.