60 anôk bruă duh mkra hâo hưn kơ klei čiăng ruah 4 êbâo čô mnuih mă bruă ti knăm anei. Knăm mơak duah bruă mă mâo êbeh 60 knơ̆ng bruă, anôk bruă duh mkra hgŭm, hlăm anăn mâo 33 anôk bruă hrŏng ruah tinăn mtam leh anăn 30 anôk bruă jao klei dưi kơ Anôk duah bruă mă čar kčĕ, hưn mthâo hŏng klei čiăng duah êbeh 4 êbâo čô mă bruă.

Phung mă bruă leh dưi ruah srăng mă ti dŭm wăl tuh tia mkra mjing, knơ̆ng bruă, anôk bruă ti čar leh anăn dŭm čar nah Dhŭng, hŏng prăk mlan mơ̆ng 7-20 êklăk prăk/mlan. Ăt hlăm knăm anei, dŭm anôk bruă ruah mnuih nao mă bruă ti ala tač êngao msĕ si Japon, Dhŭng korea leh anăn phung hriăm ti Alêmăng hŏng hnơ̆ng čiăng 1.500 čô mnuih./.