Čar Bạc Liêu ară anei mâo 215 êpul hgŭm bruă (hlăm anăn mâo 7 êpul hgŭm bruă mâo mnuih djuê ƀiă nao hgŭm jing phung gĭt gai, kriê dlăng), 2 êpul hgŭm dŭm êpul hgŭm bruă  leh anăn 515 êpul bi mguôp. Bruă sang čư êa čar Bạc Liêu hưn hŏng êpul ngă bruă Êpul gơ̆ng bruă djuê ana mơ̆ng Bruă kƀĭn ala lŏ dơ̆ng ksiêm duah, hưn mdah hŏng bruă kƀĭn ala mkra mlih klei bhiăn êpul hgŭm bruă hluê êlan kluôm ênŭm dŭm hdră êlan đru kơ êpul hgŭm bruă djŏ guôp hŏng boh sĭt grăp wưng đĭ kyar.

Blŭ hlăm mmông mă bruă, k’iăng khua êpul gơ̆ng bruă djuê ana mơ̆ng bruă kƀĭn ala Trần Thị Hoa Ry mtă kơ bruă sang čư êa čar bạc Liêu gĭt gai dŭm knơ̆ng dhar bruă, anôk bruă thơ̆ng kơ bruă bi mklin boh blŭ, đru mguôp hlăm hdră klei bhiăn bi mguôp (mkra mlih), hlăm anăn mđing tal êlâo kơ dŭm hdră êlan mđĭ kyar bruă duh mkra êpul krĭng mnuih djuê ƀiă čiăng kơ hdră mkăp klei bhiăn êpul hgŭm bruă (mkra mlih) hnưm dưi leh, hưn mdan hŏng bruă Kƀĭn ala hlăm gưl kƀĭn kơ anăp.