Truh ară anei mrâo mâo 1/3 ênhă anei dưi lŏ pla dliê leh anăn ana kyâo, ƀiădah klei tŭ dưn adôk ƀiă. Mơ̆ng thŭn 2017, pŏk ngă Hdră kčah 1123 mơ̆ng Knơ̆ng bruă sang čư̆ êa čar Gia Lai kơ bruă lŏ wĭt mă lăn dliê arăng ksĭng mmiă čiăng pla ana djŏ guôp hŏng hdră kñăm pla yâo leh anăn pla dliê, 17 kdriêk, wăl krah, ƀuôn prŏng ti čar mtrŭt mjhar giăm 20 êbâo gŏ êsei mnuih ƀuôn sang hưn ênhă lăn pưk hma hlăm lăn dliê, hŏng ênhă êbeh 37.000ha.

Truh ară anei, mâo leh êbeh 11.000 ha lăn lŏ wĭt mă dưi lŏ pla dliê amâodah ana kyâo. Mta phŭn ngă kơ bruă hlue ngă Hdră kčah tŭ dưn ka lu jing kyua ênhă dliê ksĭng mmiă lu jing kyua mnuih djuê ƀiă mâo klei hdĭp dleh dlan mkra mjing pưk hma sui leh, leh bi mlih pla dliê amâo hơĭt ôh klei hdĭp mda kơ mnuih ƀuôn sang. Hdră êlan đru pla dliê leh anăn hdră êlan dưi dưn mơ̆ng pla dliê ƀiă anăn bruă lŏ wĭt mă lăn dliê arăng ksing mmiă leh anăn mtrŭt mjhar mnuih ƀuôn sang pla dliê tuôm hŏng lu klei dleh dlan…