Hdră bruă mâo ênoh bi liê êbeh 1.516 êklai prăk, mâo pŏk ngă ti 7 să knông lăn mâo Ia Mơ, Ia Puch, Ia Pnôn, Ia Nan, Ia Dom, Ia Chía leh anăn Ia O. Yap truh akŏ mlan 6, hdră bruă bi leh hlăm brô 50% hnơ̆ng rŭ mdơ̆ng. Khădah snăn, jih 7 boh sang hră ară anei ăt êmưt hnơ̆ng ngă hlăm brô 1 mlan.

Anôk bruă kriê dlăng dŭm hdră bruă bi liê rŭ mdơ̆ng čar Gia Lai mtă, mơ̆ng ară anei truh jih 30/8, dŭm anôk bruă hgŭm, kƀĭn jih hnơ̆ng klei găl, ktuê dlăng hnơ̆ng djăp hdră bruă, mbŏ mnuih mă bruă, kdrăp mnơ̆ng leh anăn rŭ mdơ̆ng nanao kñăm rơ̆ng bi leh jih jang hdră bruă. Dŭm anôk bruă kčĕ, ktuê dlăng brei khăng ksiêm dlăng nanao, ksiêm dlăng kjăp hnơ̆ng, klei êđăp ênang mă bruă, amâo djŏ ôh kyua klei kpĭ kơ hnơ̆ng rŭ mdơ̆ng hmăi kơ hnơ̆ng jăk hdră bruă.