Mjưh ruĕ bruă êmuh lehanăn wĭt lač klei êmuh kơ bruă djuê ana, Khua bruă kƀĭn ala Vương Đình Huệ lač, kơ klei êmuh lehanăn wĭt lač klei êmuh anei nao hlăm klei klă mngač hĭn, lehanăn hŏng jih ai tiê čiăng mđĭ bruă. Lač kơ dŭm klei awăt kƀah, boh nik kơ klei êmưt hlăm bruă rŭ mkra dŭm bruă mđĭ kyar krĭng mnuih djuê ƀiă tui si bruă lăn čar kñăm.

Mâo  

dŭm mta hră mơar kơ klei ktrâo atăt êmưt truh, êmưt mă bruă, ngă bruă amâo mâo bi sa hnơ̆ng, ka klă mngač, ka ƀuh ênoh čuăn klă ôh, Khua bruă kƀĭn ala mtă hlăm wưng tinăp lŏ mkra bi kjăp hĭn, pral hmao bi leh jih hdră êlan kơ bruă djuê ana, mđing hĭn kơ jih jang hdră êlan djuê ana wưng thŭn 2021-2030. Iêo jak mguôp jih hnơ̆ng klei dưi ai ktang duh mĭn kơ bruă mđĭ kyar klei duh mkra ala ƀuôn krĭng mnuih djuê ƀiă, lehanăn krĭng čư̆ čhiăng, hlăm anăn, mđing hĭn kơ dŭm krĭng dôk hlăm klei dleh dlan, êpul djuê ana knap mñai adôk lu klei dleh dlan hĭn êdi./.