Blŭ hrăm hlăm klei bi kƀĭn, Khua bruă kƀĭn ala Vương Đình Huệ bi mni kơ bruă Đảng ƀuôn prŏng Hồ Chí Minh mkŏ mjing leh Anôk bruă bi blŭ hrăm phung mnă hđăp bruă kđi čar leh anăn kahan hđăp ƀuôn prŏng Hồ Chí Minh, Anôk bruă bi blŭ hrăm amâo djŏ knŏng čiăng kơ phung hlăm êpul ôh ƀiădah jing kban mkŏ bruă Đảng, knŭk kna. Anei jing hdră bi hgŭm, mtô bi hriăm yuôm bhăn, klă sĭt mơ̆ng dŭm alŭ wăl mkăn tui hriăm.

Anôk bruă bi blŭ hrăm bi kkƀĭn lu phung mnă  bruă kđi čar hđăp leh anăn kahan hđăp hlăm 2 klei bi blah, mkŏ mjing lu bruă ngă, gưl nao čhưn wĭt kơ phŭn agha, mbĭt anăn Anôk bruă bi blŭ hrăm ksiêm wĭt lu klei hƀuê ênuk kdrưh kơăm mơ̆ng gru mngač êdah êdi mơ̆ng phung kahan hđăp. Hlăm wưng êgao, ti gŭ klei gĭt gai mơ̆ng  Gưl dlông ăt msir mgaih lu hră mơar kpăk đuôm. Ƀri gưl anei, Khua bruă kƀĭn ala bi mni kơ klei gĭr ktưn đru msir ngaih êbeh 100 ha hră mơar phung mâo ai hŏng ala čar dôk kpăk đuôm mơ̆ng Anôk bruă bi blŭ hrăm./.