Hlăm klei bi tuôm, phung bi ala bruă kƀĭn ala ƀuôn prŏng Hải Phòng hưn mdah leh ti anăp phung bi ala kơ mnuih ƀuôn sang boh phŭn mơ̆ng klei bi kƀĭn tal 5, Bruă kƀĭn ala gưl 15 kơ anăp, boh klei mđĭ kyar bruă duh mkra- ala ƀuôn, hưn mdah boh tŭ klei bi kƀĭn tal 4. Phung bi ala bruă kƀĭn ala Hải Phòng kčĕ leh lu bruă djŏ tuôm kơ klei hdĭp mda mnuih ƀuôn sang msĕ si gang mkhư̆ klei ƀơ̆ng ngăn, luč liê mang, mđĭ ktang bi liê prăk knŭk kna leh anăn dŭm ênoh đru, kơrŭ wĭt bruă duh mkra, đru msir klei dleh dlan kơ dŭm anôk bruă duh mkra, mđĭ kyar hiu čhưn ênguê…

Wĭt lač klei êmuh mơ̆ng phung bia ala djŏ tuôm kơ bruă ruh mgaih klei dleh dlan kơ anôk bruă duh mkra kơ klei bhiăn, hdră êlan đru kơ anôk bruă duh mkra hơĭt klei hdĭp mda hlăm boh klei ară anei, Khua bruă kƀĭn ala Vương Đình Huệ mñă klă: Knŭk kna hưn mdah hŏng bruă kƀĭn ala lŏ dơ̆ng hdră bruă kơ klei bi hrŏ ênoh jia đĭ 2% msĕ si thŭn dih. Bruă bi hrŏ, bi kdung prăk jia ară anei dôk dưi hlue ngă. Kyua anăn, wăt dŭm bruă kơ ară anei leh anăn sui, amâo dưi  ba ôh klei dleh dlan kơ mnuih ƀuôn sang, anôk bruă duh mkra./.