Khua hlăm Anôk bruă Đảng gưl dlông Võ Văn Thưởng nao ti Hdră “Yan mnga krĭng knông lăn h’uh mđao ƀuôn sang”
Thứ ba, 08:14, 10/01/2023
VOV Tây Nguyên
VOV Tây Nguyên
VOV4.Êđê- Knơ̆ng gĭt gai lĭng kahan răng mgang knông lăn, Êpul bruă mniê Việt Nam gưl dlông bi hgŭm hŏng čar Thừa Thiên Huế mkŏ mjing hdră “Yan mnga krĭng knông lăn h’uh mđao ƀuôn sang” ti să Hồng Vân, kdriêk A Lưới.
Nao lehanăn blŭ hrăm ti knăm anei, Khua hlăm Anôk bruă Đảng gưl dlông Võ Văn Thưởng lač klă, dŭm thŭn êgao, Đảng, Knŭk kna drei mđing dlăng, mâo lu hdră mtrŭn iêu mtrŭt klei nao hgŭm mơ̆ng dŭm gưl dhar bruă lehanăn kluôm yang ƀuôn mđing leh kơ mnuih ƀuôn sang, boh nik ti krĭng taih kbưi, krĭng knông lăn, plao ksĭ.
Hlăm anăn, mâo klei đru mguôp mơ̆ng Êpul kahan răng mgang knông lăn, đru čung ba lehanăn rông giăm 3 êbâo čô hđeh krĭng knông lăn, plao ksĭ. Hdră anei dưi mkŏ mjing hlăm wưng Têt Quý Mão 2023 đru bi sĭt leh hdră mtrŭn mơ̆ng Đảng, Knŭk kna msir klei ư̆ êpa, bi hrŏ klei ƀun knap, mđing truh kơ hdră “Kluôm ala hgŭm kngan kyua mnuih ƀun – Amsâo lui hlei pô dôk ti tluôn” mâo Khua knŭk kna mtrŭt mjhar./.
Viết bình luận