Trần Tuấn Anh lehanăn êpul ngă bruă nao čuh leh brui mngưi bi hdơr kơ knưng phung êngiă asei jhŏng ktang ti dlông čŏng čư̆ mrô 468, hlăm ƀuôn Nậm Ngặt, să Thanh Thủy, kdriêk Vị Xuyên; nao čuă, mđup brei mnơ̆ng kơ knuă druh, lĭng kahan Êpul duh mkra bruă lĭng kahan mrô 313, nao čuă knuă druh lĭng kahan kđông răng mgang ƀăng jang knông lăn Thanh Thủy; mđup brei mnơ̆ng kơ dŭm gŏ êsei ƀun, gŏ êsei knŭk kna dlăng ba, mnuih ngă bruă dôk hlăm klei dleh dlan.

Trần Tuấn Anh čih pioh dŭm boh tŭ dưn êpul duh mkra bruă lĭng kahan 313 mâo leh, hŏng bruă đru čung ba phung ƀuôn sang, mkŏ mjing bruă kđi čar nah gŭ, hgŭm đru kơ bruă duh mkra ala ƀuôn, bi mguôp mbĭt hŏng bruă răng mgang klei êđăp ênang mơ̆ng kahan alŭ wăl mâo ba wĭt leh lu klei tŭ dưn jăk, hrăm mbĭt hŏng klei mđĭ kyar lăn čar./.