Bi ala kơ khua gĭt gai Đảng, knŭk kna, Khua knŭk kna mâo klei êmuh čuă leh anăn klei hơêč hmưi thŭn mrâo yâo mơak, mdrŏng sah leh anăn pah mni, čih yap dŭm boh tŭ dưn mơ̆ng êpul công đoàn, mnuih mă bruă kluôm ala leh anăn hlăm čar Phú Yên dưi mâo leh hlăm thŭn êgao. Hlăm wưng kơ anăp, knŭk kna srăng ktang phĭt gĭt gai dŭm Phŭn, dhar bruă, alŭ wăl uêñ mĭn, mkă ai dưi djŏ guôp čiăng mgaih msir dŭm boh klei kñăm bi hơĭt klei hdĭp mnuih mă bruă.

Hlăm hdră, Khua knŭk kna Phạm Minh Chính leh anăn khua gĭt gai Êpul hgŭm mnuih mă bruă Việt Nam, čar Phú Yên, dhar bruă măt trận gưl dlông čar kwar Việt Nam mđup brei leh 220 hnư mnơ̆ng tết kơ phung đoàn viên, mnuih mă bruă kdlưn hĭn leh anăn mâo klei hdĭp dleh dlan, hŏng kluôm ênoh hlăm brô 288 êklăk prăk.