Hlăm dŭm anôk nao čuă, Hầu A Lềnh brei thâo, Đảng leh anăn knŭk kna ƀrư̆ ƀrư̆ dôk mghiah msir dŭm boh jhat mơ̆ng klei ruă tưp Covid-19. Hlăm anăn mâo klei đru mguôp prŏng mơ̆ng dŭm djuê ana mnuih djuê ƀiă, mâo wăt mnuih Khmer ti ƀuôn prŏng Hồ Chí Minh. Khădah bruă duh mkra ăt dôk mâo lu klei dleh dlan, ƀiădah Khua phŭn bruă Hầu A Lềnh đăo knang kơ klei gĭr ktưn, hrăm mbĭt bi mguôp jih jang djuê ana, srăng dưi hnưm mghiah msir klei dleh dlan, čiăng kơ klei hdĭp trei mđao yâo mơak hĭn hlăm wưng kơ anăp.

Khua kiă kriê Dhar bruă Djuê ana mtă kơ sang Yơng mbĭt hŏng bruă sang čư êa alŭ wăl leh anăn ƀuôn prŏng Hồ Chí Minh bi lar klei bi mguôp djuê ana, lŏ dơ̆ng dŭm bruă kriê dlăng, đru kơ mnuih ƀuôn sang, phung đăo yơng, rơ̆ng klei hơĭt yang ƀuôn. Wưng anei, Dhar bruă djuê ana leh anăn bruă sang čư êa ƀuôn prŏng Hồ Chí Minh ăt mđup brei hnư mnơ̆ng hơêč hmưi thŭn mrâo ti dŭm sang yơng leh anăn 37 čô mâo kơhưm hlăm êpul êya mnuih Khmer.