Knăm mơak mkŏ mjing hŏng lu bruă ngă êdah êdi msĕ si: klei bi lông bi msiam sang tum; bruă mđing kơ bruă mă; klei dlăp lêñ, mjĕ êrô hŏng mnuih pô khăp, mđup brei hnư prăk hriăm hră kơ hđeh hriăm thâo leh anăn “hđeh sang hră 3 jăk”. Êbeh 1.500 čô hđeh sang hră ti dŭm sang hră gưl 3 ti ƀuôn prŏng Ƀuôn Ama Thuôt mâo gưl bi blŭ hrăm, bi trông.

“Hđeh sang hră 3 jăk” (mâo knuih hdĭp jăk, hriăm jăk, klei suaih pral jăk) jing hdră phŭn hlăm bruă êdam êra leh anăn hdră êdam êra gưl 3. Mơ̆ng hdră anei kñăm thâo ƀuh, mtô mblang leh anăn bi lar dŭm gru mngač hđeh sang hră êdah êdi mâo anăn knăl “Hđeh sang hră 3 jăk”, mjing klei găl kơ hđeh sang hră dưi mâo hdră bruă “Hđeh sang hră 5 jăk”, “Hđeh sang hră 3 hriăm mjuăt” hlăm dŭm gưl mtô bi hriăm prŏng hĭn. Hlăm thŭn anei, bruă êdam êra gưl dlông bi hgŭm hŏng dŭm anôk bruă, pŏk ngă Knăm mơak “hđeh sang hră 3 jăk” ti 10 čar, ƀuôn prŏng hlăm kluôm ala./.