Hlue anăn, Knơ̆ng bruă sang čư̆ êa čar Kon Tum đru êbeh 15.900 gŏ êsei ƀun grăp gŏ êsei mâo 6 êtuh êbâo prăk leh anăn êbeh 8.800 gŏ êsei giăm ƀun grăp gŏ êsei 3 êtuh êbâo prăk čiăng ƀơ̆ng Tết. Hŏng ênoh đru prăk Têt kơ gŏ êsei ƀun êbeh 9 êklai 5 êtuh êklăk prăk Knơ̆ng bruă sang čư̆ êa čar Kon Tum bi liê prăk knŭk kna leh anăn ênoh prăk hrui wĭt đĭ, mkiêt mkriêm bi liê thŭn 2022.

Kơ ênoh prăk đru kơ gŏ êsei giăm ƀun êbeh 2 êklai 6 êtuh êklăk prăk, Knơ̆ng bruă sang čư̆ êa čar Kon Tum  mtă kơ dŭm kdriêk, ƀuôn prŏng pral mâo phŭn prăk knŭk kna, mbĭt anăn bi hgŭm hŏng dŭm êpul, phung hlăm leh anăn êngao čar mơ̆ng Keh kyua mnuih ƀun mkăp čiăng bi đru.