Knơ̆ng bruă sang čư̆ êa čar Kon Tum mrâo bi mklă Hdră bruă đru mkra sang kơ 876 gŏ êsei ƀun leh anăn giăm ƀun dôk hdĭp mda ti 3 kdriêk ƀun ti čar hŏng ênoh prăk êbeh 32 êklai 6 êtuh êklăk prăk. Mơ̆ng ară anei truh thŭn 2025, čar Kon Tum srăng đru 876 gŏ êsei ƀun leh anăn giăm ƀun (lu jing gŏ êsei mnuih djuê ƀiă) mkra sang dôk.

Kơ hnơ̆ng đru, hŏng phung mkŏ mjing sang mrâo dưi đru 44 êklăk prăk/ gŏ êsei. Phung mkra mđĭ pưk sang dưi đru 22 êklăk prăk. Čar Kon Tum kčah hdră kñăm truh jih thŭn 2025 srăng bi leh bruă đru sang dôk kơ 876 gŏ êsei ƀun leh anăn giăm ƀun. Hjăn hlăm thŭn 2023 čar mĭn tĭng đru 530 gŏ êsei ƀun, giăm ƀun mkra snag dôk, hlăm anăn mkra mrâo 359 boh sang leh anăn mkra mđĭ 171 boh sang./.