Kon Tum mtrŭt mjhar Mlan ngă bruă jăk thŭn 2023
Thứ ba, 00:00, 16/05/2023
VOV Tây Nguyên
VOV Tây Nguyên
VOV4.Êđê- Hŏng akŏ “Mơ̆ng ai tiê drei hrăm mbĭt mkŏ mjing yang ƀuôn thâo bi khăp”, Aguah mbruê 15/5, ti ƀuôn prŏng Kon Tum, Êpul gru bi kal hrah čar Kon Tum mkŏ mjing knăm mtrŭt mjhar Mlan ngă bruă jăk thŭn 2023, bi hdơr 160 hruê mkŏ mjing hdră Gru bi kal hrah leh anăn Mlan wat mniă hrah tar rŏng lăn.
Hlăm mlan ngă bruă jăk thŭn 2023, Êpul gru bi kal hrah čar Kon Tum gĭr ktưn đru mơ̆ng 2000 – 3000 gưl čô mâo klei hdĭp dleh dlan, rŭ mjing dŭm mta bruă jăk hŏng ênoh 150 êklăk prăk, rŭ mdơ̆ng 10 boh sang gru bi kal hrah ênoh mơ̆ng 300 êklăk prăk kơ dlăng, hâo hưn klă anăp leh anăn đru kčĕ kơ 1.000 čô kơ mta kñăm, boh tŭ dưn mơ̆ng klei myơr êrah.
Blŭ hlăm knăm mtrŭt mjhar, aduôn Y Ngọc, k’iăng khua bruă sang čư êa čar Kon Tum pah mni êpul gru bi kal hrah dŭm gưl hlăm mlan ngă bruă jăk thŭn 2022 dưi iêo krum giăm 6 êklai prăk đru kơ êbeh 11.800 gưl čô mâo klei hdĭp dleh dlan.
Viết bình luận