Bruă tui duah kuai ba wĭt klang kleh 8 čô mnuih djiê êngiă, mâo kahan hđăp Lã Mạnh Tùng, knuă druh bruă Mặt trận B3 hlăm kdrăn mblah Lăn Dap kngư hưn.

 Leh mâo mă klei hưn anei, mbĭt hŏng klei găpdjuê tui duah lehanăn bi mkă hŏng hră mơar kahan luič hlăm klei bi blah mơ̆ng kahan êpul 3 hưn, snăn kahan ƀuôn prŏng Kon Tum mkŏ mjing mtam klei nao kuai duah ti dua alŭ wăl hlăm ƀuôn hgŭm Duy Tân lehanăn Ngô Mây. Tui si klei hưn mâo 14 čô kahan djiê êngiă hlăm alŭ wăl anei, ƀiădah kyua sui thŭn đei, mâo lu klei bi mlih, lehanăn hŏng dŭm mnơ̆ng mâo duiñ mbĭt dôk dleh thâo bi knăl anăn lehanăn mnuih djiê hlăm anei./.