Kñăm mprăp kơ klei ksiêm bruă čih mkra klei bhiăn lăn ala lŏ mlih mrâo, ba mdah kơ êpul khua gĭt gai bruă kƀĭn ala ti anôk bi kƀĭn mlan 4, lehanăn mă klei blŭ tal 2, ti anôk bi kƀĭn tal 5, bruă kƀĭn ala gưl 15, tlam mbrue 9/3, Êpul khua kiă kriê bruă duh mkra mkŏ mjing leh klei mă bruă hŏng Phŭn bruă ngăn dŏ wăl hdĭp mda čiăng hmư̆ klei hâo mdah kơ bruă čih mkra klei bhiăn lăn ala lŏ mlih mrâo, kơ ya mta bruă mă klei blŭ mơ̆ng mnuih ƀuôn sang.

Khua bruă kƀĭn ala Vương Đình Huệ kiă kriê mmông mă bruă. Tui si phŭn bruă ngăn dŏ wăl hdĭp mda hưn, truh hrue 06/3, ênoh mơ̆ng website mă klei blŭ mơ̆ng mnuih ƀuôn sang kơ klei čih mkra, mâo tŭ mă leh truh lấy 7.873 klei blŭ mơ̆ng 768 êpul bruă lehanăn mnuih lač kơ bruă čih mkra klei bhiăn lăn ala. Djŏ hŏng ai tiê mnuih ƀuôn sang. Klah čŭn ti mmông mă bruă khua bruă kƀĭn ala Vương Đình Huệ lač, ngă klei anei, kñăm čiăng mâo mkŏ mjing sa klei bhiăn kjăp hĭn. Mơ̆ng anăn čiăng hrŏng ruah ya mta jing djŏ hĭn, lŏ dơ̆ng bi ksiêm duah čih mkra bi êlam hĭn kjăp hĭn mjing kơ klei bhiăn./.