Hlăm mmông bi tuôm, lu boh klei djŏ tuôm hŏng bruă rơ̆ng hơĭt klei hdĭp yang ƀuôn mâo phung bi ala bi êdah. Ti kdriêk Ea Kar, phung bi ala mâo lu klei hưn mơĭt kơ Êpul bi ala bruă kƀĭn ala čar Dak Lak, hlăm anăn kñăm kơ dŭm mta phŭn msĕ si: klei kpăk gun hlăm bruă mkăp brei hră djă yua lăn kơ dŭm gŏ sang, hdră êlan đru kơ phung knuă druh alŭ ƀuôn dôk ƀiă, dŭm hdră êlan đru mơ̆ng hdră ala čar kñăm mđĭ kyar bruă duh mkra ala ƀuôn krĭng mnuih djuê ƀiă dôk mâo lu klei dleh dlan, kpăk gun.

Čih yap dŭm klei hưn mdah mơ̆ng phung bi al, Êpul bi ala bruă kƀĭn ala čar Dak Lak mñă leh kơ dŭm anôk bruă mâo klei dưi leh anăn alŭ wăl hlăk mblang. Hŏng dŭm boh klei mkăn, êpul srăng bi mklin, hưn mdah hŏng bruă Kƀĭn ala, knŭk kna leh anăn dŭm Phŭn, Dhar bruă hlăm gưl kƀĭn kơ anăp.