Wưng êgao, Êpul hgŭm phung êdam êra ba anăp dŭm gưl čar Dak Lak gĭr mđĭ ktang bruă ngă kyua klei khăp ƀĭng hgŭm. Hlăm 5 thŭn iêô mkrum mâo 9 êklai 2 êtuh êklăk prăk. Mơ̆ng keh anei đru mkŏ mjing mrâo leh anăn mkra mđĭ giăm 140 boh sang klei khăp, mđup brei 171 hră mkiêt mkriêm, mđup brei dŭm êbâo hnư mnơ̆ng kơ phung mâo klei hdĭp dleh dlan.

 Phung êdam êra ba anăp hđăp ti dŭm alŭ wăl hgŭm mkŏ mjing keh klei khăp ƀĭng hgŭm ti anôk bruă nah gŭ hŏng ênoh êbeh 4 êklai 3 êtuh êklăk prăk, đru kơ lu gŏ sang phung hlăm êpul hgŭm phung êdam êra ba anăp mâo prăk duh mkra, tlaih ƀun kjăp. Hlăm wưng mrâo, bruă ngă mơ̆ng Êpul hgŭm lŏ dơ̆ng kƀĭn hlăm hdră msir mgaih hdră êlan kơ phung êdam êra ba anăp, mđĭ ktang leh anăn mđĭ klei tŭ dưn hdră phung êdam êra ba anăp ngă bruă duh mkra mbruă leh anăn hdră klei khăp ƀĭng hgŭm - grăp êpul mâo lu bruă ngă jăk.