Hlăm anăn, “Anôk mnia mblei hŏng ênoh 0 prăk” jing hdră đru kơ dŭm gŏ sang mâo klei hdĭp dleh dlan, phung êwiên, êwu leh anăn mnuih ruă ƀun ƀin. Grăp pŏk hră blei mnơ̆ng mâo ênoh 500 êbâo prăk, mơ̆ng mâo hnư mnơ̆ng srăng dưi čuăn ruah dŭm mta mnơ̆ng hlăm sang čhĭ mnia mâo dŭm mta msĕ si: sĭk, êa ksâo êmô, braih, ƀung krô, mnơ̆ng bi mƀăt, kpŭng ƀơ̆ng.

Thŭn anei, hdră mđup brei 700 pŏh hră blei mnơ̆ng kơ mnuih ƀun ƀin ti ƀuôn prŏng Ƀuôn Ama Thuôt leh anăn wăl krah Ƀuôn Hồ. Wưng anei, dŭm êpul bruă đoàn hlăm čar mâo sơăi dŭm bruă ngă klă klơ̆ng mđing truh kơ mnuih ƀun ƀin msĕ si: mkă dlăng, mdrao klei ruă amâo mâo mă prăk, mđup brei mnơ̆ng yua, rŭ mdơ̆ng sang klei khăo, mđup brei êdeh wai jơ̆ng, klei đru hriăm hră mơar.