. Klei êmuh anei mâo klei êmuh mơ̆ng pô bi ala nao phŭ klă kơ mta kñăm, klei adôk ka djŏ hlăm bruă nga 3 mta bruă lăn čar kñăm kơ bruă mkŏ mkra krĭng ƀuôn sang mrâo; mđĭ kyar klei hdĭp mda ala ƀuôn krĭng mnuih djuê ƀiă lehanăn krĭng čư̆ čhiăng, msir klei ư̆ êpa bi hrŏ klei ƀun knap hŏng klei kjăp.

Khua phŭn bruă Hầu A Lềnh lač: Klei dleh dlan hĭn ară anei jing klei hlue ngă dŭm hdră êlan mđĭ kyar bruă duh mkra ala ƀuôn krĭng mnuih djuê ƀiă, lehanăn krĭng čư̆ čhiăng. Lehanăn lu bruă mkăn djŏ tuôm hŏng mnuih djuê ƀiă bi mâo klei bi mlih hŏng klei khuăt kjăp djŏ hŏng klei jing hlăm alŭ wăl. Truh hrue 30/3 jih jang 15 phŭn dhar bruă mâo jao bruă čuăn mâo mghaih msir leh jih jang hră mơar, klei ktrâo atăt kơ djăp alŭ wăl mghaih msir 121 klei dleh dlan gun kpăk./.