Ti anôk bi kƀĭn hlue ngă bruă thŭn 2023 mơ̆ng Êpul gơ̆ng hgŭm bruă mjuăt bi hriăm klei bhiăn mơ̆ng gưl dlông mkŏ mjing leh tlam mbrue 16/3, ti anôk bruă knŭk kna, jih jang phung khua kiă kriê hlăm Êpul Gơ̆ng mâo trông čhai kơ klei hlue ngă mta kñăm: Truh thŭn 2030, jih jang klei thâo săng kơ hdră bhiăn phŭn, kơ klei bhiăn bi djŏ hŏng ênoh, hlŏn gjing klei bhiăn hdĭp hlăm yang ƀuôn.  K’iăng khua knŭk kna Trần Lưu Quang, jing khua kiă kriê Êpul Gơ̆ng bi mguôp bruă mjuăt bi hriăm klei bhiăn mơ̆ng gưl dlông kiă kriê klei bi kƀĭn.

 Mbĭt hŏng klei lŏ dơ̆ng bi lar bruă klam truh hŏng jih jang dŭm anôk bruă hâo hưn, mâo klei kăp ksiêm kjăp, jih jang phung khua kiă kriê hlăm êpul gơ̆ng gưl dlông mâo leh mơh klei akâo kơ knŭk kna tiŏ nao mnuih ngă bruă hâo hưn, mjuăt bi hriăm truh hŏng jih jang mnuih, boh nik hlăm dŭm krĭng mnuih djuê ƀiă, krĭng taih kbưi, anôk dôk tuôm hŏng klei dleh dlan, lehanăn dŭm alŭ wăl phŭn kơ bruă răng mgang klei êđăp ênang./.