VOV4.Êđê - Khua knŭk kna Phạm Minh Chính mrâo kiă kriê klei bi kƀĭn mjêč dŭm phŭn dhar bruă, bi mâo hdră pral đru kơ ƀuôn prŏng Hồ Chí Minh lehanăn dŭm čar nah Dhŭng ngă bruă gang mkhư̆ klei ruă tưp bi mâo klei tŭ dưn, rơ̆ng kjăp klei hdĭp phung ƀuôn sang, lehanăn krơ̆ng bruă duh mkra hlăm alŭ wăl. Mơ̆ng anăn, Khua knŭk kna mtă kơ jih jang phung khua kiă kriê, khua anôk bruă dŭm phŭn dhar bruă, Khua bruă sang čư̆ êa dŭm čar ƀuôn prŏng mjing djăp klei găl kơ bruă tŭ jum mnuih ngă bruă, phung ƀuôn sang wĭt mơ̆ng ƀuôn prŏng Hồ Chí Minh lehanăn dŭm čar, ƀuôn prŏng lehanăn dŭm čar nah Dhŭng truh kơ ƀuôn sang pô, rơ̆ng hlue ngă bi djŏ bruă mdrơ̆ng hŏng klei ruă tưp, mkăp djăp mnơ̆ng mnuă yua, dŭ mdiăng mnơ̆ng mnuă mơ̆ng bi truh kơ ƀuôn prŏng pioh dru kơ mnuih dôk kpăk đuôm, kăn ngă truh êbeh mnơ̆ng, amâodah kƀah mnơ̆ng, ksiêm bi nik bruă mbha mnơ̆ng, lehanăn mkăp djăp vaccine kơ ƀuôn prŏng, lehanăn dŭm čar nah Dhŭng, čiăng mâo tlŏ vaccine gang mkhư̆ klei ruă tưp hŏng klei kreh knhâo, djŏ guôp, êđăp ênang lehanăn tŭ dưn./.

Y Khem pô mblang