VOV4.Êđê- Leh 2 čô knuă druh mă bruă tui duah mnuih ruă mâo boh tŭ ksiêm dlăng djŏ kman Sar CoV2, hruê 10/11 mbruê, anôk bruă mdrao mgŭn čar Kon Tum mjêč mkŏ mjing hdră ksiêm dlăng, tui duah mnuih lehanăn hluê ngă kjăp hdră gang mkhư̆ klei ruă tưp. Dua čô knuă druh djŏ kman Sar CoV2 jing T.V.M, 58 thŭn, mă bruă ti Anôk bruă ksiêm dlăng klei ruă tưp čar Kon Tum – Anôk bruă mrô 1 lehanăn H.T.M.L, 39 thŭn, mă bruă ti Anôk bruă mdrao mgŭn ƀuôn hgŭm Duy Tân, ƀuôn prŏng Kon Tum.

Mbĭt hŏng 2 čô F0 jing knuă druh bruă mdrao mgŭn, ti ƀuôn prŏng Kon Tum ăt mâo 1 čô F0 mkăn hlăm êpul êya jing N.X.L, 46 thŭn, ti ƀuôn hgŭm Quyết Thắng. Leh hmao ƀuh 3 čô F0 hlăm êpul êya ti ƀuôn prŏng Kon Tum, anôk bruă mdrao mgŭn čar Kon Tum mjêč mkŏ mjing hdră ksiêm dlăng, tui duah mnuih lehanăn hluê ngă kjăp hdră gang mkhư̆ klei ruă tưp. Tĭng truh 6h hruê 10/11, čar Kon Tum mâo jih jang 327 čô djŏ klei ruă Covid 19./.

Pô mblang: H’Nêč Êñuôl