VOV4.Êđê- Ti car Kontum, hlăm dŭm hrue êgao, mâo 2 anôk bruă duh mkra kăp hrui blei braih, lehanăn kan mơ̆ng phung ƀuôn sang hlăm čar lehanăn dŭ ba mđup mbha kơ phung ƀuôn sang dôk găn hlăm klei dleh dlan kyua klei ruă tưp ti ƀuôn prŏng Hồ Chí Minh. Dua anôk bruă duh mkra anei mâo ngă leh bruă siam anăn jing knơ̆ng bruă Tấn Phát, čar Kontum, lehanăn knơ̆ng bruă pui kmlă Đại Trường Thành Holdings ƀuôn prŏng Hồ Chí Minh.

Dua knơ̆ng bruă anei mâo hrui blei leh truh 50 tôn braih, lehanăn 20 tôn kan mơ̆ng phung ƀuôn sang să Đak La, kdriêk Đak Hà, čar Kontum, leh kơ anăn dŭ ba pioh mbha kơ phung dôk hlăm klei bi ktlah kyua klei ruă tưp ti kdriêk čar Bình Thạnh, lehanăn kdriêk čar mrô 12, ƀuôn prŏng Hồ Chí Minh. bruă ngă anei srăng đru hrui blei boh mnga mơ̆ng phung ƀuôn sang, lehanăn đru bi hmao mơh kơ phung dôk găn hlăm klei dleh dlan krĭng mâo klei ruă tưp./.

Pô mblang: Y-Khem Niê