VOV4.Êđê- Aguah 31-8 ti Hà Nội, Adŭ bruă Khua lăn čar mkŏ mjing klei bi kƀĭn phung čih klei mrâo hưn mdah Hdră mtrŭn phưi mnă thŭn 2021 mơ̆ng Khua lăn čar kơ phung mnă dôk krư̆ kđăl leh anăn phung hlăk bi kdung, mdei êjai klei bi kmhal mâo klei găl dưi phưi hluê si hdră bhiăn. Thŭn anei, Khua lăn čar bi siñê leh hdră mtrŭn kơ 3 êbâo 26 čô mnă dôk krư̆ kđăl leh anăn 3 čô dôk mdei êjai klei msir kđi, 6 čô dôk bi kdung klei krư̆ kđăl, djăp klei găl dưi phưi thŭn 2021. Phạm Thanh Hà, K’iăng Khua adŭ bruă khua lăn čar brei thâo, hlăm hdră phưi mnă brei hluê ngă klei bhiăn klă klơ̆ng, anăn jing rơ̆ng djŏ klă, tliêr kjăp, êngiê kơ mnuih ƀuôn sang, djŏ mnuih leh anăn djŏ klei găl dưi kčah mtrŭn čiăng jih jang mnă djăp klei găl dưi ksiêm dlăng leh anăn amâo brei ôh hlei mnă amâo djăp klei găl  ƀiădah dưi phưi.

Pô mblang: H’Zawut Ƀuôn Yă