VOV4.Êđê- Tlam 26-7, ti Hà Nội, Khua kahan Lương Tam Quang, K’iăng Khua  Phŭn bruă kahan ksiêm drông Christopher Klein, bi ala kơ ala čar Mi ti Việt Nam. Ti mmông drông, K’iăng Khua phŭn bruă Lương Tam Quang bi mni lač jăk kơ pô bi ala  Christopher Klein leh anăn Khua bi ala Mi ti Việt Nam hlăm wưng êgao mâo leh lu klei đru mguôp klă sĭt, mđĭ klei bi hgŭm hdră bruă kluôm Việt Nam, Mi, ăt msĕ mơh kei bi hgŭm plah wah Phŭn bruă kahan ksiêm Việt Nam leh anăn dŭm anôk bruă ƀĭng hgŭm Mi đĭ kyar jăk siam, êlam hĭn, tŭ dưn, boh sĭt. Bi êdah klei đaŏ knang klei bi hgŭm dua ala čar, hlăm anăn mâo klei bi hgŭm thơ̆ng kơ bruă plah wah dua anôk ruă klei êđăp ênang, kahan ksiêm dua ala čar srăng ƀrư̆ tliêr kjăp hĭn; Bi mklă, Phŭn bruă kahan ksiêm Việt Nam srăng bi trông, bi hgŭm tliêr kjăp hŏng Khua bi ala Mi ti Việt Nam ngă bruă tŭ dưn mbĭt mơ̆ng dua ala čar, đru msir mgaih, bi hrŏ dŭm klei mdê hlăm klei bi hgŭm dua nah, mkra mđĭ klei đaŏ knang hdră bruă, ba klei bi hgŭm dua nah ƀrư̆ hruê ƀrư̆ êlam hĭn.

Pô mblang: H’Zawut Ƀuôn Yă