VOV4.Êđê - Tlam anei (12/7), ti sang bruă kƀĭn ala, mâo klei kƀĭn tal 58 mơ̆ng dhar bruă gĭt  gai bruă kƀĭn ala. Mkŏ mjing hlăm 3 hruê, lu mta phŭn yuôm bhăn dưi mâo leh klei ksiêm dlăng hlăm klei bi kƀĭn anei. Hlăm klei kƀĭn, êpul gơ̆ng bruă ruah khua ala čar srăng hưn mdah dŭm boh tŭ dưn hlăm klei bi mklă dŭm čô bi ala bruă kƀĭn ala gưl 15. Leh kơ anăn, dhar bruă kƀĭn ala srăng brei klei blŭ kơ bruă mkŏ mjing, ênoh mnuih mă bruă knŭk kna wưng thŭn 2021-2026. Bi kơ hdră dap mnuih mă bruă čiăng hưn mdah hŏng bruă kƀĭn ala ăt msĕ hŏng dŭm klei mprăp kơ klei bi kbĭn tal 1, bruă kƀĭn ala gưl 15. Dhar bruă gĭt gai bruă kƀĭn ala ăt mâo klei blŭ kơ hdră êlan duh bi liê hlăm bruă kñăm ala čar mkŏ mra krĭng ƀuôn sang mrâo wưng thŭn 2021-2025 lehanăn hdră kñăm ala čar bi hrŏ klei ƀun ƀin, hơĭt kjăp klei hdĭp yang ƀuôn wưng thŭn 2021-2025, ngă hdră mkăp kơ bruă mgaih msir ngăn prăk êpul group êa pui Việt Nam êjai tla prăk hlăm ênoh čhĭ mnia mnơ̆ng dhơ̆ng mơ̆ng hdră mkăp kar êa pui Nghi Sơn.

Y Ƀel pô mblang