VOV4.Êđê - La\n dap kngư hla\k dôk hla\m yang bhang ktang êdi. Adiê mđia\ hlơr sui nga\ kơ hnơ\ng êa [a\ng hro\, lu kba\ng êa, knơ\ng kdơ\ng êa, êa ênao, hnoh êa, hnoh krông dơ\ng khuôt jih. Adiê bhang thu krô dôk mâo kjham êdi. Ti kdriêk {uôn Đon, ]ar Daklak, adiê hlơr thu krô hma\i leh kjham truh kơ du\m êbâo ha mnơ\ng pla lehana\n nga\ êbeh 1.500 go\ êsei k[ah êa yua. Tuấn Long, pô ]ih klei mrâo kơ Sang mđung asa\p blu\ VN dôk jưh ti kr^ng La\n dap kngư hưn la] kơ boh klei anei snei.

Dua sa\ Tân Hòa lehana\n Êa ~uôl mâo gia\m 2.700 go\ êsei sna\n ara\ anei mâo êbeh 70% hla\m ênoh ana\n dôk k[ah êa yua kjham êdi. Ayo\ng Vi Văn Định ti thôn 9, sa\ Tân Hòa, kdriêk {uôn Đon brei thâo, sa boh êa kba\ng mơ\ng go\ sang `u khuôt leh 1 mlan ho\ng anei. }ia\ng mâo êa go\ sang `u nao truh 5km mdia\ng êa w^t yua. Kha\ sna\n, klei nao akâo êa amâo djo\ gra\p blư\ mâo s’a^ ôh.

“Nao akâo sna\n pô nao ti sang mâo êa kba\ng yơh, digơ\ pom êa hla\m bro\ng sna\n pô akâo [ia\ w^t yua. Leh akâo a\t brei mơh pra\k pui kơ digơ\ pom leh êa hla\m brô 30 – 40 êbâo pra\k/blư\. Kr^ng sang kâo gra\p sang sang nao bi akâo êa s’a^, tơ amâo nao akâo ti êa ma\ yua. Amâo mâo êa yua hla\m klei hd^p aguah tlam, tu\k kna\, mnei hgei, boh mnơ\ng mnua\ sna\n a\t mâo lu klei rua\ mơh… La] kluôm k[ah êa mnuih [uôn sang dleh dlan êdi”.

Adiê không k[ah êa yua aguah tlam ktang ph^t amâo djo\ kno\ng mâo ti du\m go\ sang ôh, [ia\dah ti du\m boh sang hra\ ]iêm rông phung hđeh kdriêk {uôn Đôn a\t k[ah êa mơh. Nai Nguyễn Thị Cảnh, Khua sang hra\ hđeh điêt Hoa Hồng ti sa\ Tân Hòa brei thâo, ti ana\p klei k[ah êa yua, sang hra\ mtru\t mjhar phung am^ ama đru mguôp pra\k ka\k blei êa mna\m kơ phung hđeh; bi êa yua aguah tlam sna\n nao akâo mơ\ng du\m go\ sang hla\m kr^ng. Kha\ sna\n, du\m phu\n mka\p êa ana\n ka\n dôk lu mơh, hla\m wưng ti ana\p tơ amâo mâo adiê hjan pro\ng sna\n hmei ka thâo si hdra\ sra\ng msir mghaih ôh.

“Sang hra\ k[ah êa yua gia\m 2 mlan ho\ng anei leh. Ho\ng hla\m brô 300 ]ô hđeh dôk ti sang hra\ sna\n gra\p hruê kha\ng yua hla\m brô 5 – 6 m3 êa, ]ia\ng dưi mâo dja\p êa hmei kha\ng nao akâo êa mnuih [uôn sang gia\m sang hra\ lehana\n đru t^ng tla pra\k pui ho\ng digơ\. Êa pioh mna\m sna\n hmei kha\ng nao blei, hmei kuôl ka\ blei hluê mlan mtam ]ia\ng rơ\ng klei doh ê[a\t kơ phung hđeh”.

Hluê si Adu\ brua\ Lo\ hma mđ^ kyar kr^ng [uôn sang kdriêk {uôn Đon sna\n truh kơ ara\ anei, kluôm kdriêk mâo hla\m brô 3êbâo ha mnơ\ng pla bhiâo hruê krô djiê, êbeh 1500 go\ sang ho\ng êbeh 6.200 ]ô mnuih lehana\n du\m êtuh ]ô hđeh hlo\ng dôk ti sang hra\ dôk tla\ ana\p ho\ng klei k[ah êa kjham êdi. Trần Thị Thủy, K’ia\ng khua adu\ brua\ lo\ hma, mđ^ kyar kr^ng [uôn sang kdriêk {uôn Đon brei thâo:

“ Adu\ brua\ mta\ kơ du\m sa\ ksiêm dla\ng du\m anôk mâo leh êa kba\ng yua kơ yang [uôn k`a\m lo\ mkra mđ^ ]ia\ng mka\p dja\p êa kơ mnuih [uôn sang yua. Êngao kơna\n, brei ksiêm yap jih kr^ng mnuih [uôn sang dôk hla\k k[ah êa yua ]ia\ng nga\ hra\ m’ar ba mdah kơ Anôk brua\ sang ]ư\ êa kdriêk, anôk brua\ lo\ hma kah ma\ nga\n pra\k lo\ ktir êa kba\ng a\t mse\ mơh mko\ mkra bro\ng mka\p êa yua m[^n sa anôk mka\p kơ mnuih [uôn sang. Mb^t ana\n, hmei a\t hâo hưn mtô mblang kơ mnuih [uôn sang mâo êa thâo bi kah mbha ho\ng du\m go\ êsei mka\n hla\m mmông dleh dlan snei”.

Hluê si klei thâo mơ\ng lu mnuih ti kr^ng La\n dap kngư, truh kơ hruê mlan pu\r hla\m mlan 3 a\t ka mâo mơh hjan sna\n klei adiê không k[ah êa sra\ng lo\ mâo sui h^n truh kơ hruê mlan pu\r hla\m mlan 4. Hruê mlan pu\r hla\m mlan 3 dơ\ng truh, mnuih [uôn sang a\t dôk guôn gưl adiê hjan pro\ng mdrơ\ng ho\ng klei adiê không k[ah êa./.