Aguah 5/5, ti čar Tây Ninh, Bruă Đảng kahan gưl dlông, Phŭn bruă lĭng kahan mkŏ mjing Knăm jao rup krah Hồ Chí Minh leh anăn jao Hră pah mni mơ̆ng Khua phŭn bruă lĭng kahan kơ êpul, mnuih mâo boh tŭ êdah êdi hlăm hdră ruah phung bi ala bruă kƀĭn ala gưl XVI lehanăn Êpul gơ̆ng bruă ƀuôn sang dŭm gưl wưng thŭn 2026 – 2031. Nao lehanăn blŭ hrăm ti knăm anei, Đại tướng Nguyễn Trọng Nghĩa, Khua hlăm Phŭn bruă kđi čar, Khua knơ̆ng bruă kđi čar Lĭng kahan yang ƀuôn Việt Nam mñă, bruă jao rup krah Awa Hô mâo boh tŭ yuôm bruă kđi čar, klei mĭn lehanăn čiăng mtă kơ phung knuă druh, đảng viên amâo mdei dưi tui hriăm lehanăn hluê ngă knhuah mngač mơ̆ng Awa.

Đại tướng bi êdah klei mpŭ anăp klei đăo knang mơ̆ng mnuih ƀuôn sang hlăk dưi ruah ngă pô bi ala bruă kƀĭn ala gưl XVI, mbĭt anăn mñă srăng krơ̆ng kjăp bruă kđi čar, giăm mnuih ƀuôn sang, mđing hmư̆ klei mĭn ƀuôn sang. Ñu mtă kơ čar Tây Ninh mtrŭt mđĭ bruă tui hriăm lehanăn hluê ngă msĕ Awa, mkŏ mjing êpul knuă druh thâo lehanăn knhâo, mđĭ klei bi mguôp lĭng kahan – mnuih ƀuôn sang, đru rơ̆ng klei hơĭt kjăp lehanăn đĭ kyar kluôm mơ̆ng alŭ wăl./.