Hlăm gưl yan không, lu kbăng êa, ênao êa ti să Ia Nan, čar Gia Lai khuôt truh ti tur, ngă kơ dŭm êtuh gŏ êsei mnuih ƀuôn sang kƀah êa yua kjham snăk. Ti anăp boh klei anăn, Êpul bruă duh mkra - Lĭng kahan 72 (Binh đoàn 15) hmao pŏk ngă klei hiu mbha êa, đru kơ mnuih ƀuôn sang ti să Ia Nan găn klei dleh dlan. Ia Nan jing să knông lăn, anôk mâo lu mnuih Jarai hdĭp mda, klei hdĭp adôk lu klei dleh dlan; hjăn ƀuôn Sơn mâo 115 gŏ êsei khăng kƀah êa sui hlăm yan không.

Hlăm dŭm hruê êgao, anôk bruă mđĭ lar mơ̆ng 3 truh 5 gưl êdeh mdiăng grăp hruê, mkăp hlăm brô 30 - 40 m3 êa yua grăp hruê kơ mnuih ƀuôn sang. Bruă mkăp êa amâo djŏ knŏng đru rơ̆ng klei hdĭp mda kơ mnuih ƀuôn sang ôh ƀiădah lŏ bi êdah bruă klam mơ̆ng êpul lĭng kahan hlăm klei đru kơ alŭ wăl kahan dôk jưh, mđĭ klei bi mguôp lĭng kahan - mnuih ƀuôn sang, boh nik ti krĭng knông lăn adôk lu klei dleh dlan.