Hlue si klei hưn mdah mơ̆ng Phŭn bruă hdră bhiăn, bruă mkra mlih hdră bhiăn kñăm msir mgaih klei kƀah mơ̆ng Hdră bhiăn thŭn 2012, mbĭt anăn mlih mrâo ktang bruă mtô bi hriăm Hdră bhiăn hlue si klei yua kdrăp mrâo, mlih mrô leh anăn bi lu jơr hdră hâo hưn mtô mblang.

Dŭm klei kčĕ kƀĭn bi mklă bruă klam anôk bruă, êpul bruă; bi leh klei bhiăn ngă bruă mơ̆ng  Êpul gơ̆ng bi hgŭm ti dŭm gưl, mbŏ hdră êlan kơ phung mdê hjăn leh anăn mđĭ klei găl. Klah čŭn klei bi kƀĭn, K’iăng Khua knŭk kna Lê Tiến Châu mñă klă klei brei mlih mrâo kluôm, mơ̆ng hdră êlan truh kơ klei hlue ngă, msir mgaih boh phŭn amâo jăk. Mbĭt anăn, brei ksiêm dlăng boh tŭ dưn mơ̆ng êpul bi hgŭm, rơ̆ng klă sĭt, bi mguôp hŏng klei mđĭ bruă klam pô gĭt gai.