VOV4.Êđê- Hluê si Anôk bruă kriê dlăng keh vaccin gang mkhư̆ Covid-19, yap truh hruê 18-8, Keh vaccin gang mkhư̆ Covid-19 mâo mă êbeh 8.626 êklai prăk, hŏng êbeh 5 êbâo êpul bruă leh anăn mnuih đru mguôp. Anôk bruă kriê dlăng akâo kơ Keh tĭng tla giăm 200 êklai prăk blei vaccin, ênoh anôk jing 8.246 êklai prăk. Mơ̆ng ară anei truh knhal jih thŭn, hluê si hdră kčah srăng tlŏ kơ 75 êklăk čô mnuih ƀuôn sang leh anăn čiăng mâo hlăm brô 25 .200 êklai prăk; hlăm anăn, prăk knŭk kna mprăp leh êbeh 14.000 êklai prăk leh anăn lŏ dơ̆ng čiăng hlăm brô 11 .000 êklai prăk. Phŭn bruă ngăn prăk bi hgŭm leh hŏng dŭm anôk bruă mkŏ mjing hla pŏk web Keh vaccin leh anăn hâo hưn kơ Keh dưi hưn mdah hlăm hla pŏk web anei.

Pô mblang: H’Zawut Ƀuôn Yă